Дорогие братья и сестры, поздравляем вас с воскресным днем!
1 сентября продолжается празднование Успения Пресвятой Богородицы. 1 сентября отмечается память мученика Андрея Стратилата и с ним 2593-х мучеников.
13 июля 2015 года Священный Синод Русской Православной Церкви определил первое воскресенье сентября ежегодным днем особой молитвы о Божием творении и утвердил особый молебен, который в этот день совершается во всех храмах Русской Православной Церкви. В конце этой непродолжительной службы звучат молитвы:
Молитва о благосотоянии мира
Благословен еси, Господи, Боже Вседержителю, сотворивый небо и землю со всею лепотою их, просветивый день светом солнечным и нощь уяснивый зарями огненными, всякия твари Творче, создавый от земли человека, отпавшаго же и предавшаго Тя, наздавый паки Честною Кровию Единороднаго Сына Твоего!
Призри с Небесе, Боже, и виждь, яко сетует земля, и древеса и былие изчезают, зверие и скоти, и птицы небесныя погибают за нечестие живущих на ней. Сего ради в покаянии припадаем и вопием Ти, да не погубиши мир Твой и нас со беззаконьми нашими, но даруй обращение безумным сыном человеческим и спасение им и твари, им покоренной.
Благословен еси, Господи, потопом омывый при Ное грех человеческий! Даруй нам потоки слезныя и омовение скверн наших, да обратимся от злых дел, хищений и неправд наших, во еже хранити достояние Твое.
Благословен еси, Господи, Боже Вседержителю, при Лоте попаливый мерзости Содомския и Гоморрския и очистивый землю обетованную от скверн их! Даруй исправление извращенным и стропотным умам и сердцем человеческим, да познают путь Твой.
Благословен еси, Господи Боже Вседержителю, Иже пришествием Возлюбленнаго Сына Твоего обновивый и очистивый всю тварь! Даруй, да уверуют людие всем сердцем и прославят Тя и Единороднаго Сына Твоего и Утешителя Духа Святаго, да человеки и стихиями и всею тварию славится пречестное и великолепое Имя Святыя Троицы во веки веков. Аминь.
